Pasientreisekontoret prøver å samordne reiser når det er mogleg. Når fleire køyrer saman i drosje eller turvogn, kan ressursane til helseføretaka utnyttast best mogleg.

Ved samordning tek pasientreisekontoret omsyn til merknader som behandlaren har skrive på rekvisisjonen.

Beregn noko ventetid
Ventetida er mellom anna avhengig av om fleire pasientar skal reise same vegen. Du må derfor rekne med noko ventetid før og etter behandling. Ventetida kan variere avhengig av kvar du bur, og kor langt du skal reise.

Kontakt det lokale pasientreisekontoret på ✆05515 dersom du ønskjer meir informasjon om samordning og ventetid.